الإعلانات
متزعلش .. رمضان لسه مخلصش   _th9rl10

متزعلش .. رمضان لسه مخلصش

استعرض الموضوع السابق استعرض الموضوع التالي اذهب الى الأسفل

Mohamed Dwedar
Mohamed Dwedar

ذكر
عدد المساهمات : 538
نقاط : 604
تقييم العضو : 0
تاريخ الميلاد : 16/08/1990
العمـر : 29
http://www.raltatwer.com/

مُساهمةMohamed Dwedar في الخميس فبراير 07, 2013 10:54 pm

أنا زعلااااااااااااااااان



حاسس إني ضيعت كتيــــــــــــــــر .. حاسس أن رمضــــــــان ضاع مني



اللي حوالي ختم مرة واتنين وثلاثة .. وأنا لسه في الختمة الاولي



واللي بيصلي ب 100 ركعة واللي بيستغفر 1200 مرة واللي بيصلي ب 1000 آيـــــــــــة



وانا في الضياع .. مش عامل حاجة خلاص



ورمضان قرب يخلص وانا مش عارف أعمل إيه ؟



أنا مخنووووووق قوي .. شيطان واتحبس ..



يبقي هو العيب فيه ..



أنا اللي وحش ..









دا حال ناس كتير قوي مننا .. شايف الناس بتجري لربنا ..



وهو واقف يتفرج ويتحسر علي نفسه .. واقف يبكي وزعلان ونفسه يبقي مع الناس
دي .. كان نفسه قوي ربنا يشوفه من أوائل الناس اللي بتجري دي



عارفين مشكلته إيه ؟



مشكلته أنه واقــــــف .. مش بيتحرك زعلان وخلاص



أنت دلوقتي إيه اللي يمنعك إنك تجري مع الناس دي؟



مش عارف مش قادر وحاسس إني عمري ماهقدر ..



مش عارف إيه إحساساتك الكتيرة دي .. كل شويه حاسس حاسس



طب لما انت بتحس قوي كده .. واقف متنح ليه ؟



واقف ليه في مكانك ومش راضي تتحرك .. إنت مش قادر



لأ .. إنت مش عاوز



لا والله حرام عليك يا اخي إحسن الظن دا إحنا في شهر كريم



إديك قولت بنفسك شهر كريم .. وربنا أكرم يا اخي .. يعني إنت ممكن تسبق الناس دي كلها لربنا



ياسلااااام .. قولي إزاي ؟



ماشي ياسيدي هاقولك .. بس إدفع











اللهم صلي وسلم علي رسول الله



ماانت شاطر وبتصلي علي النبي أهو ..



إحنا هنتفق مع بعض علي شوية حاجات كده .. مش إنت زعلان وندمان



أيوه



طب قول ورايا .. يارب أنا تبت



يارب أنا تبت



قولها بقلبك .. يارب أنا تبت .. تبت ومش هاعمل كده تاني .. ومش هاتاخر تاني .. تبت يارب من الغفلة .. تبت وندمان والله



خلاص بقي .. نشوف هانفذ التوبة دي إزاي .. لسه فاضل أكتر من 13 يوم باقين تقدر تعمل فيهم كتير قوي



دا إنت ممكن تختم 5 مرات .. غير الختمة الطويلة قوي اللي انت فيها دي



ياسلام .. إزاي ياعم أنا علي قد حالي مقدرش



يا بني إنت مش تبت



ماحنا قولنا بلاش مش قادر .. تقدر إنت مش كنت بتذاكر وتخلص الكتاب في تلات إيام



القران أسهل مليون مرة .. تنويها إن شاء الله نية لله تختم القران كل ثلات إيام ..وهتقدر ان شاء الله الموضوع بسيط



ده سيدنا عثمان بن عفان ختم القران في ركعة أوتر بها عند الكعبة .. وصحابة كتير ختمه القران في ليله .. الموضوع موضوع همه وحب



بتحبه ولا لأ ؟



دي أول نقطة .. إتفقنا



ماشي هاجاهد نفسي إن شاء الله









تاني حاجة ياسيدي .. انت ممكن كل ليلة تكتب من القانتين



مين ده .. أنا ؟!!!!!



أيوه انت .. بإنك تصلي ب100 آيه



كتير قوي 100 آيه دول دا انا بصلي التروايح في الجامع بالعافيه



أنت حافظ سورة تبارك ؟ ..



ايوة الحمد لله



طب كويس .. حافظ سورة النبأ ؟



أيوه الحمد لله حافظها



طب كويس قوي .. دا انت قربت تختم ماشاء الله :)



طيب حافظ سورة عبس



انا الحمد حافظ جزء عم كله



طب كويس قوي نعمة وفضل من الله



عارف بقى سورة تبارك وعم وعبس دول أكتر من 120 آيه



ياسلام ..



شوفت .. عشان تعرف أنه الموضوع سهل .. اهو صلي بالسور دي تكتب كل ليلة ان شاء الله من القانتين ،



وتيجي إن شاء الله في اليوم اللي هتختم فيه اللي هو بعد تلات إيام

تروح تصلي بجزء عم وتبارك .. دول 1000 ايه عشان تكتب من المقنطرين



ماشي خلاص لحد كده كويس









تالت حاجة ياسيدي ..عاوزك تستغفر ربنا كتير قوي



حدد لنفسك ساعة في اليوم تستغفر فيها 1000 مرة وتصلي علي النبي شوية وتسبح ربنا شويه .. تعملك قد 5000 كده



وطبعا في حاجات أساسية زي السنن وصلاة الضحي واذكار الصباح والمساء



ومتنساش جلسة بعد الفجر لغاية الشروق .. دي بقي كنز ثمين قوي .. في رمضان وغير رمضان وخساااااااااارة يضيع منك



المشكله اني ببقي نعسان قوي بعد الفجر..



يابني جاهد نفسك شويه .. روح صلي في الجامع وقولها بعد
الصلاة .. لقيت نفسك نعست .. خلاص اطلع كملها في الشارع .. الموضوع مش
نافع خلاص زي بعضه هاسمحلك تقعد علي النت ساعة .. بس ساعة واحدة بس



نعم .. هو انا مش هاقعد علي النت غير ساعة واحدة بس



ليه انت فاكر الناس اللي بتجري لربنا دي عندها وقت تتضيعه علي النت ؟!!!



يابني دا سيدنا عمرو بن العاص كان لما بيمسك المصحف يبكي ويقول

شغلني عنك الجهاد .. مش ال.. نت



خلاص هجاهد نفسي



ربنا يرزقك فيها ثواب حج وعمرة .. وكمان الارزاق توزع في الوقت ده

وعجبا لمن يقسم رزقه وهو نائم .. الموضوع ممكن يبقي صعب في الاول بس بعد كده هتلاقي نفسك اتعودت .









آخر وصيه يابني اللي ممكن تخليك تجري لربنا جري



هاقولك علي باب مش هتلاقيه فيه كتير وممكن يوصلك بسرعة



باب الانكسار لله جل وعلا ..



إكسر نفسك بين إديه .. ذل نفسك ليه



إستشعر معني كلمة عبد



كان في واحد إسمه بشر الحافي .. الراجل دا كان عاصي



في يوم من الايام مر ببيته رجل .. فسمع صوت المعازف



فطرق الباب .. خرجت له الجاريه فسألها صاحب هذا البيت عبد أم حر ؟



فقالت بل حر .. قال نعم حر فلو كان عبد لتأدب بأدب العبودية مع سيده .. ثم انصرف



فسأل بشرٌ الجارية عن الطارق .. فأخبرته



فأسرع ورائه حافـيــــــــــا .. قال أعد علي ما قلت .. فأعاد الرجل مقولته



قال بل عبد بل عبد .. وبقي بشر الحافي العالم الجليل



ذِلّ نفسَك و أظهر الافلاس لله جل وعلا



قوله محتاجك قوي يارب ماتسبنيش .. سامحني يارب مليش حد يسامحني واقبلني



مد إيدك وقوله إكرمني يارب .. انت الملك ومليش حد يمن عليّ غيرك



اسجد سجدة طوييييييييلة وقول له : يارب أنا عصيتك كتير ، وبعدت عنك كتير ،
فأمهلتني وأكرمتني ولم تأخذني بذنوبي ، يارب راجعلك متسبنيش وخد بإيدي ،
سجد لك سوادي ، وآمن بك فؤادي ، هذي يدي وما جنيتُ على نفسي



رباااااااااه أغلقت الابواب إلا بابك .. فأين لي بملجأ إلا أنت



نفذ زادي وقلت حيلتي وجئتك بك .. يامن لا يرد تائب ناداك..



ربنا يكتبنا وإياكم من عتقائه من النار .. ويجعلنا وإياكم من المقبولين
nour.alden
nour.alden

ذكر
عدد المساهمات : 39
نقاط : 39
تقييم العضو : 0
تاريخ الميلاد : 17/10/1998
العمـر : 21
http://www.neobux.com/?r=oussamdz##

مُساهمةnour.alden في الأحد فبراير 17, 2013 8:48 am

سلمت اناملك اخي الكريم شكرا لك لموضوعك المميز
zizoramzi
zizoramzi

ذكر
عدد المساهمات : 203
نقاط : 217
تقييم العضو : 0
تاريخ الميلاد : 05/07/1997
العمـر : 22
http://ibda3dz.123.st

مُساهمةzizoramzi في الثلاثاء فبراير 19, 2013 8:04 pm

ما شاء الله سلمت اياديك على موضوك المميز و جعلها في ميزان حسناتك
ربعاوي
ربعاوي

ذكر
عدد المساهمات : 297
نقاط : 543
تقييم العضو : 6
تاريخ الميلاد : 12/10/1999
العمـر : 20

مُساهمةربعاوي في الإثنين مارس 04, 2013 8:28 am

سلمت اناملك على هذا الموضوع المميز متزعلش .. رمضان لسه مخلصش   1406242731
♥ الوردہْ الدآكنـہْ ♥
♥ الوردہْ الدآكنـہْ ♥

انثى
عدد المساهمات : 428
نقاط : 431
تقييم العضو : 1
تاريخ الميلاد : 26/06/2001
العمـر : 18
http://bomn.3rab.pro/forum

مُساهمة♥ الوردہْ الدآكنـہْ ♥ في الإثنين مارس 04, 2013 10:21 pm

تسسٍـلٍـًــ،،ــم الإيٍـــ،،ــآأدي الذههٍبيِـهه
M I R O
M I R O

ذكر
عدد المساهمات : 850
نقاط : 1521
تقييم العضو : 3

مُساهمةM I R O في الخميس أبريل 25, 2013 9:27 pm

سلمت اناملك اخي الكريم شكرا لك لموضوعك المميز
Eslam Love
Eslam Love

ذكر
عدد المساهمات : 57
نقاط : 165
تقييم العضو : 0
تاريخ الميلاد : 24/09/1996
العمـر : 23

مُساهمةEslam Love في الخميس أبريل 25, 2013 9:49 pm

روعه

استعرض الموضوع السابق استعرض الموضوع التالي الرجوع الى أعلى الصفحة

للمشاركة انت بحاجه الى تسجيل الدخول او التسجيل

يجب ان تعرف نفسك بتسجيل الدخول او بالاشتراك معنا للمشاركة

التسجيل

انضم الينا لن يستغرق منك الا ثوانى معدودة!


أنشئ حساب جديد

تسجيل الدخول

ليس لديك عضويه ؟ بضع ثوانى فقط لتسجيل حساب


تسجيل الدخول

 
صلاحيات هذا المنتدى:
لاتستطيع الرد على المواضيع في هذا المنتدى