الرجا في عيد الاضحى يمكن انك ترجعين

**AsheK WalhaN** · **AsheK WalhaN** الجمعة نوفمبر 09, 2012 4:34 pm

الرجـا في عيد الأضحى يمكن إنك ترجعيـن

صدقيني العيد نفسـه مـا تغيـر مـن سنيـن
فرحة اطفال وتلاقي..لمّة احباب وقرايـب

والاغاني والكروت وقولـة (مْـن العايديـن)
والتمام الشمل يوم العيد .. وانسـام الهبايـب

والتهانـي والهدايـا وحـب روس الوالـديـن

والمواصل للعمام .. وللخوال .. وللنسايـب

كل حاجه مثل ماهي بس انـا حالـف يميـن
إن لا غبتي باسجّل نفسي في هالعيد غايـب

وارجعي بالذاكـره يابنـت وانتـي تعرفيـن
ليه احس العيد عقبك جيّتـه جيّـة مصايـب

ليه لا طالعت (كرت العيد) اكفكـف دمعتيـن
من ذكرت اعيادنا وأيام كان الوضع طايـب

ذكر اني من (مصلى العيد) وانتـي تذكريـن
كنت اسابق خطوتيني متّجـه يمّـك وذايـب

لجل اكون الشخص الاول لجل مني تسمعيـن
في صباح العيد .. جملة (كل عام احنا حبايب)

لجل نكتب خلف (كرت العيد) ذيـك الكلمتيـن
كنت اجيك بقلب طفل وطيش شاب وثقل شايب

كنت انا اعايد وحالي حـال باقـي العاشقيـن
وما معاي الا خفوقي وذي عيوني لك وهايب

وإنتي في اجمل ثيابك كاشخه والزيـن زيـن
تثبتين إنك عجيبة غير عـن كـل العجايـب

فرحة العيد .. بلقانا كانـت اصـلاً فرحتيـن
مثل ضحكات الورود ومثل زخّات السحايب

ما ليوم العيد طعم وما لهـا الذكـرى حنيـن
وكل منّا في مكان وكل واحد لـه طلايـب

الرجا في عيد الاضحى انـك ترجعيـن
ما اقول إلا عسى الله يجزي من كان السبايب

وإن رجعتي وشفتيَ إني فـي عـداد الميّتيـن
ذا انا باوصيك حاجة قبل تنحـط النصايـب

طالبك في كل عيدٍ .. بعد موتـي .. تكتبيـن
خلف (كرت العيد) جملة كل عام احنا حبايب

للشاعر // محمد الشهري

اتمنى تنااااال اعجاااااابكم

**مارسيلا** · 25/04/1990

طرح رائع ربي يعطيك الف عافية
بشوق لسحابة روائع ابداعك
كون بخير

**الدغف** · **الدغف** الأربعاء ديسمبر 05, 2012 8:19 pm

ما شاء الله أبداع بلا حدود و بانتظار أبداعاتك القادمة

**Mr.ElHassan** · **Mr.ElHassan** الأحد أغسطس 04, 2013 2:56 pm

تميزتم و ارتقيتم فأبدعتم فأخرجتم احسن ما عندكم
فاجزاكم الله عنا وعن كل القراء كل خير

**AmEr-Dz** · **AmEr-Dz** الجمعة نوفمبر 08, 2013 4:03 pm

تسلم وجزاكم الله كل خير على الموضوع الجيد

الرجا في عيد الاضحى يمكن انك ترجعين

الرجا في عيد الاضحى يمكن انك ترجعين

رد: الرجا في عيد الاضحى يمكن انك ترجعين

رد: الرجا في عيد الاضحى يمكن انك ترجعين

رد: الرجا في عيد الاضحى يمكن انك ترجعين

رد: الرجا في عيد الاضحى يمكن انك ترجعين

للمشاركة انت بحاجه الى تسجيل الدخول او التسجيل

التسجيل

تسجيل الدخول