العمر يمضي بين حلوه ومره

**AsheK WalhaN** · **AsheK WalhaN** السبت ديسمبر 08, 2012 8:20 pm

السلام عليكم ورحمه الله وبركاته

العمر يمضي بين حلوه ومره 120126203223W3q8

لآضاق صدرك عالي الصوت جره

لو كان قلبك ما يطاوعك بسرور

دنياك لو تسوى من الحِزن ذرّه
ما كان تاليها توابيت وقبور

وما كان للكافر بعمره مسره
وما شفت في ملكه ملايين وقصور

العمر يمضي بين حلوه ومره
والموت حق وقابض الروح مأمور

دام الحياه الفانية مستقره
ورزقك يجيك وبين الأجواد مستور

لا تنشغل بالوقت برده وحره
واحذر تصير بقسمة الناس مقهور

وحكم القدر لاجاك خيره وشره
أشكر عظيم الشان والذنب مغفور

والمجلس اللي يزعجك لا تمره
خله تراك بشوفته منت مجبور

والرجل سقها في صحاصيح بره
ومد النظر مابين ريضان وزهور

لا صار وجه القاع ما فيه جره
والمشي حافي والثرى تو ممطور

ساعات صمتٍ ما وراها مضره
تسوى الكلام اللي به إذنوب وإشرور

أطلق خيالك وأترك النفس حره
وخل الطبيعه في حياتك لها دور

وبالليل لا بانت نجوم المجّره
أذكر بديع الخلق بـِ إحـساس وشعور

واسجد لرب الكُون مره ومره
وإحفظ لسانك وأترك الكذب والزور

وفروض ربك خلها مستمره
وطاعتّك لا يدخل بها نقص وقصور

للشاعر غازي نومان الحربي

والسلام عليكم ورحمه الله وبركاته

**Mr.ElHassan** · **Mr.ElHassan** الأحد أغسطس 04, 2013 2:45 pm

مشكور جزبلاً على الموضوع الجيد :77:

العمر يمضي بين حلوه ومره

العمر يمضي بين حلوه ومره

رد: العمر يمضي بين حلوه ومره

للمشاركة انت بحاجه الى تسجيل الدخول او التسجيل

التسجيل

تسجيل الدخول