.. ( أنا مثل الغريب اللي إذا سافر ترك أوطان ) ..

السلام عليكم ورحمة الله وبركاته



..

أنا مثل الغريب اللي إذا سافر ترك أوطان

........................... رغم هجرَه وطول البعد لـَكِنه بقى غالي

أحاسب مشيتي للبُعد ولا كَني غديت إنسان

........................... أناظر للوله مرَه عساه في يوم يحلالي

حبيبي تدري وش اللي يضيـٍق خاطري أحيان

........................... آحبك ثم تنساني ولالي في العرى والي

على كثر الشقى والنوح ترى وصلك سكن أبدان

........................... سكن خافق عليه يقول آحبك مالها تالي

رغم ماقالوا إن باريس ولندن كلها أشجان

........................... ترى وطيك على ديره جعل فيها البحر حالي

ألا ليه البحر ينسى عذوبة مبسم الألحان

........................... نسى إنه مثل نهرٍ تدفق عبر شلالي

تذكَر نظرتك فيني مثل بلبل على أغصان

........................... شذى روحه في بستاني أنا أبكي هنيَالي

ومرَت فينا هـ الدنيا سريعه كلها أحزان

........................... بكا وعتاب وكثر دموع وقل الوصل يصفالي

حسافه نقطع الأخبار ترى وقت البُعد ماحان

........................... ونجعل ذكرنا نسيان بعد كنتي جبل عالي

غلابه ودنا مغلوب غلب أمره على هالشَان

........................... ترى كللي أنا مغلوب من الأوَل وذا فالي



وسلامتكم

مشكور على موضوعك المميز من نجاح لنجاح